De Kréckel Néckel

Dat hei ass e Buch mat Oueren. A mat 24 fantastesche Biller vum Alan Flinn.

Wann EE gutt kréckle kann, dann as et de Kréckel Néckel. De Fausti erzielt a spillt véier fantastësch Geschichte vum Jangli, déi ee gleewe kann (oder och nët).
Do ass zum Beispill de Jaki. E Gakapei… pardon, Papagei, deen op kee Fall schwätze wëll wéi déi aner Papageien.
Oder d’Geschicht vum Grunzi, dem Gronzi an dem Granzi. 3 Schwéngecher déi op de Fuesbal ginn.
An natierlech de Willi Wuerzelwupp, deen engem granzege Stéier begéint deen nëmmen nach rout gesäit.
An der gitt natierlech alles gewuer iwwert de Metzler Benno Bifdeck, de Stuppi Streisel an de Bäcker Mulles Mieltut, deen dat wat e beekt am léifste selwer fruppst.

Mee eigentlech ass et jo och egal op d’Geschichte gekréckelt sinn oder net. Haaptsach se si flott. An da sinn se schon iwwer 30 Joer.